სკოლის დირექტორები

თეიმურაზ ჭაბუკიანი
1990-2001 წლები

თეიმურაზ ჭაბუკიანი დაიბადა 1952 წლის 15 ივლისს ქალაქ ქუთაისში. დაამთავრა ქუთაისის 33-ე საშუალო სკოლა, 1973 წელს ჩაირიცხა ქუთაისის ალ. წულუკიძის სახელობის პედაგოგიური ინსტიტუტის საზოგადოებათმცოდნეობა-ისტორიის ფაკულტეტზე. აღნიშნული ფაკულტეტი წარმატებით დაასრულა 1978 წელს. მსახურობდა საბჭოთა არმიის რიგებში. ასევე ლითოფონის ქარხანაში მუშად. წლების განმავლობაში იმყოფებოდა სხვადასხვა საზოგადოებრივ და პარტიულ სამუშაოზე. სწორედ პარტიული დავალებით ზედამხედველობდა ავანგარდის დასახლებაში თნამედროვე სტანდარტების შესაბამისად მიმდინარე მიმდინარე ახალი სკოლის მშენებლობას. მას იმდენად მოეწონა ეს სკოლა, რომ დაიწყო ფიქრი, ხომ არ დადგა დრო მის ცხოვრებაში, ემუშავა თავისი პროფესიით? სურვილიც აისრულა. 1990 წელს თეიმურაზ ჭაბუკიანი დაინიშნა მშენებარე N 10-ე საშუალო სკოლის დირექტორად, რომელიც გაიხსნა 1225 მოსწავლეზე. და დაიწყო სკოლის საინტერესო ცხოვრებით, გრანდიოზული ღონისძიებებითა და ცამდე ამაღლებული ღელვითა და სიხარულით აღსავსე დღეების ათვლა. წარმატების საფუძველი-მიზანდასახულობა, საოცარი ჟინი, უაღრესად ენერგიული მოღვაწეობა ახალგაზრდა თაობების ღრმად განსწავლულობისათვის. მის გამორჩეულობაზე ბევრს საუბრობენ პედაგოგები, მწრთვნელები, ყოფილი მოსწავლეები, დასახლების მცხოვრებნი.
2001 წელს თეიმურაზ ჭაბუკიანი გადაყვანილ იქნა ქუთაისის წმინდა ნინოს სახელობის გიმნაზიის დირექტორად, ამჟამად სსიპ წმინდა ნინოს სახელობის ქალაქ ქუთაისის N 3 საჯარო სკოლის დირექტორია.

ტარიელ კობახიძე
2002-2011 წლები

ტარიელ კობახიძე დაიბადა 1949 წლის 4 ნოემბერს თერჯოლის რაიონის სოფელ ზედა სიმონეთში. პედაგოგის ოჯახში. სიმონეთში დაამთავრა საშუალო სკოლა. სკოლაში დიდი სიყვარულით სწავლობდა მათემატიკას, მაგრამ ძალიან უყვარდა პოეზია, რაც მისი მამის ბატონი მიხეილის დამსახურება იყო. ის ხომ ჩინებულად ფლობდა ქართული ენის საიდუმლოს. სწორედ მამამ აზიარა იგი ქართული ენის სინატიფეს, მაგრამ როცა პროფესიის არჩევაზე მიდგა საქმე, მაინც მათემატიკის სიყვარულმა გადასძალა. სამხედრო-სავალდებულო სამსახურიდან დემობილიზციის შემდეგ სწავლა განაგრძო ქუთაისის პედაგოგიურ ინსტიტუტში ფიზიკა-მატემატიკის ფაკულტეტზე მატემატიკის სპეციალობით. ინსტიტუტის დამთავრების შემდეგ მუშაობდა ნორჩ-ტექნიკოსთა სადგურში და პარალელურად ნორჩ-ტურისტთა საქალაქო სადგურის დირექტორის მოადგილედ. 1980 წლიდან კი ტარიელ კობახიძე ი. გოგებაშვილის სახელობის მე-19 საშუალო სკოლის დირექტორის მოადგილეა აღმზრდელობით დარგში, ხოლო 1986 წლიდან მეხუთე საშუალო სკოლის სასწავლო ნაწილის გამგე. 1991 წელს დაინიშნა ქუთაისის სპორტული ლიცეუმის დირექტორის მოადგილედ სასწავლო-აღმზრდელობით დარგში. 2001 წელს კი ამავე ლიცეუმის დირექტორად, სადაც მუშაობდა 2011 წლამდე. ამჟამად აკ. ვასაძის სახელობის ფოლკლორის სასწავლებლის დირექტორის მოადგილეა. ბატონი ტარიელი ხელოვანის ნიჭით დაჯილდოებული ადამიანია, წერს ლექსებს, არის მხატვრული კითხვის ტურში გამარჯვებული. ამბობს, რომ მას პოეზიის გარეშე ცხოვრება არ შეუძლია. ის ქორეოგრაფიული სტუდიის საუკეთესო მოცეკვავეც ყოფილა. სკოლის დამთავრების შემდეგ გიტარის დაკვრის საიდუმლოს შესწავლასაც შეუდგა, სტუდენტობის პერიოდში რკინიგზის კულტურის სახლთან არსებულ საესტრადო ანსაბლ „ექსპრესში“ ჩაირიცხა, სადაც 10 წელი გაატარა ჯადოსნურ ინსტრუმენტთან ერთად. ფიქრობს, რომ ხელოვნებაში რაღაც გაუკეთებია და დღევანდელი ადგილიც ამ დამსახურების გამო უჭირავს, მაგრამ მისთვის 29-ე საჯარო სკოლა მისი ცხოვრების უდიდესი და საკმაოდ შინაარსიანი ნაწილია და თვლის, მეორედ რომ მოევლინოს ამ ქვეყანას, ისევ ამ გზას აირჩევდა. იქნებოდა პედაგოგი, მათემატიკოსი. მისი დღევანდელი მიზანი კი ქართული ფოლკლორის პოპულარიზაციაა.

ტარიელ გველესიანი

ტარიელ გველესიანი დაიბადა 1963  წლის 25 ოქტომბერს ქალაქ ქუთაისში. 1980 წელს დაამთავრა ქუთაისის #12 საშუალო სკოლა. 1981-1986 წლებში სწავლობდა ქუთაისის ალ. წულუკიძის სახელობის პედაგოგიურ ინსტიტუტში ფიზიკა-მათემატიკის ფაკულტეტზე სპეციალობა ზოგად ტექნიკური დისციპლინები და ფიზიკა, რომელიც დაასრულა წარჩინებით. 1985 წელს მუშაობა დაიწყო მესტიის რაიონის სოფელ კალის საშუალო სკოლაში პედაგოგად. 1989-1992 წლებში  სამტრედიის რაიონის სოფელ წიაღუბნის საშუალო სკოლის  დირექტორის მოადგილეა. ხოლო 1992-1993 წლებში ამავე სკოლის დირექტორი.

1993-1995 წლებში არის ქუთაისის საქალაქო მეურნეობის და სერვისის ლიცეუმის დირექტორის მოადგილე პროფესიული მომზადების დარგში.

1995-1996 წლებში მუშაობს ქუთაისის კვების ტექნოლოგიის, მსუბუქი მრეწველობისა და სერვისის ლიცეუმის განყოფილების გამგედ, 1996-1997 წლებში ამავე ლიცეუმის ორგანიზატორად, ხოლო 

1997-2000 წლებში ქუთაისის კვების ტექნოლოგიის მსუბუქი მრეწველობისა და სერვისის ტექნიკური ლიცეუმის დირექტორის მოადგილედ პროფესიული მომზადების დარგში. 

2000-2005 წლებში ქუთაისის მრავალპროფილიანი ტექნიკური ლიცეუმის დირექტორის მოადგილედ პროფესიული მომზადების დარგში.

2005-წლიდან სსიპ ქ. ქუთაისის # 45 საჯარო სკოლა ლიცეუმის დირექტორის მოადგილეა.

2005-2006 წლებში ამავე სკოლის სამეურნეო ნაწილის უფროსი.

2006-2007 წლებში #48 საჯარო სკოლის დირექტორის მოვალეობის შემსრულებელია.

2007-2010 წლებში ქუთაისის პოლიტექნიკური ტექნიკუმის დირექტორის მოვალეობის შემსრულებელი.

2010 წლიდან #2 პროფესიული სწავლების ცენტრის დირექტორის მოადგილეა სასწავლო საწარმოო დარგში.

2010 წლიდან ქუთისის #29 საჯარო სკოლის დირექტორის მოვალეობის შემსრულებელი. 
2014 წელს არჩეულ იქნა ამავე სკოლის დირექტორად.